Տարբերակ: 1.19

ZEROt: Առևտուր և սպասարկում

Նախատեսված է վաճառքներն ավտոմոտացնելու համար: Աշխատանքի համար ինտերնետային կապի առկայությունը պարտադիր չէ: Ծրագիրը սպասարկվում է 24/7 ռեժիմով հեռահար կապի միջոցով (սպասարկման համար ինտերնետ կապի առկայությունը պարտադիր է): Վերսիաների թարմացումնրեը կատարվում են բավարար պարբերականությամբ, որ պահպանվեն օրենսդրական բոլոր առնչվող պահանջները: Ունի հզոր ֆունկցիոնալ, սակայն պարզ է ու ինտուիտիվ հասկանալի:

Առանձնահատկություններ

Սուպերմարկետի և մեծածախ վաճառքի ռեժիմներ

Սուպերմարկետի ռեժիմում վաճառքը կատարվում է բարկոդ սկաներների միջոցով, իսկ ձեռքով միջամտությունը հասցված է մինիմումի: Մեծածախ առևտրի ռեժիմում ձեռքով մուտքագրման համար ստեղծված են լրացուցիչ հարմարություններ, որի շնորհիվ հնարավոր է դառնում աշխատանքն արագացնել և դարձնել վերահսկելի:

Սովորական և թաչով վաճառքի առանձնացված ինտերֆեյսներ

Խանութի, սուպերմարկետի և նման բիզնեսների համար վաճառքի պատուհանը հարմար չէ օգտագործել ռեստորանների, բիստրոների, կոֆեհաուզների և նման այլ բիզնեսների դեպքում: Ուստի ծրագրում նախատեսել ենք հատուկ ինտերֆեյս թաչ էկրաններով աշխատելու համար: Այդ ռեժիմում ապրանքները և դրանց խմբերը էկրանին երևում են փոքրիկ նկարներով, ինչը արագացնում է դրանց ընտրելու պրոցեսը:

Վաճառքի և գնման գների փոփոխությունների հետևում

Գնման և վաճառքի գների փոփոխությունները արտացոլվում են թե ձեռքբերման փաստաթղթում, թե վաճառքի գների սահմանման փաստաթղթում և թե հաշվետվություններում: Դրա շնորհիվ սխալ հավելագին սահմանելու հետևանքով առաջացող կորուստները իսպառ կբացառվեն Ձեր բիզնեսում:

24/7 աջակցություն

Մենք սպասարկում ենք մեր ծրագրերը Ձեր բիզնեսի աշխատանքային ժամերին: Ծրագրերի սպասարկման ծառայությունները ներառված են բաժանորդագրության փաթեթներում և կատարվում են հեռահար սպասարկման եղանակով (այս դեպքում ինտերնետ կապի առկայությունը պարտադիր է): Տեխնիկական, համակարգչային ծրագրերի և համակարգչային ցանցերի սպասարկումները ներառված չեն բաժանորդագրության փաթեթներում: Դրանց մասին մանրամասներին կարող եք ծանոթանալ մեր կայքի Ծառայություններ բաժնում:

ՀԴՄ համակցում ծրագրին

Ծրագրին կարելի է համակցել Օրենքով կիրառվող ցանկացած ՀԴՄ: Համակցումը կատարվում է թե ապրանքացանկի ռեժիմով (սովորաբար 24մլն. դրամից ավելի իրացման շրջանառության դեպքում), թե առանց ապրանքացանկի ռեժիմի (պարզ ՀԴՄ կտրոն): Ընդ որում, երկու դեպքում էլ ապահովվում է ոչ միայն վաճառքների կատարումը, այլ նաև վերադարձերի ֆիսկալավորումը և կանխավճարի ՀԴՄ կտրոնների տրամադրումը: Համակցված ՀԴՄ հաշվետվությունները (X և Z) նույնպես գեներացվում են ծրագրի միջոցով` առանց ՀԴՄ-ն ծրագրից անջատելու:

Կշեռքների համակցում ծրագրին

Կարելի համակցել ինչպես շտրիխ տպող կշեռքներ, այնպես էլ անմիջապես ապրանքի քաշը ծրագրին փոխանցող կշեռքներ: Ընդ որում մեկ կշեռքը կարող է սպասարկել ինչպես մի, այնպես էլ միաժամանակ մի քանի դրամարկղերի:

Գնորդի ՀՎՀՀ-ով ՀԴՄ կտրոնի տրամադրում

ՀԴՄ կտրոն տրամադրելիս հնարավոր է մուտքագրել գնորդի ՀՎՀՀ-ն և տրամադրել այն ներառող կտրոն: Սրա շնորհիվ կորպորատիվ գնորդները ևս կկարողանան կատարել գնումներ: Ընդ որում, եթե գնորդը միաժամանակ պահանջում է թե ՀԴՄ կտրոն, թե հաշվարկային փաստաթուղթ, ապա մեր ծրագիրը հաշվարկային փաստաթուղթ դուրս գրելիս ավտոմատ կերպով ՀԴՄ կտրոնի համարը կտեղադրի հաշվարկային փաստաթղթի համապատասխան դաշտում, որի շնորհիվ կխուսափեք կրկնակի հարկումից:

eMark նույնականացման (QR) կոդերի հաշվառում

Վաճառքի ժամանակ ապրանքը կարելի է սկանավորել անմիջապես eMark նույնականացման (QR) կոդով: Սակայն ծրագիրը ունի նաև գծիկավոր կոդով սկանավորելու ռեժիմ, որի դեպքում ծրագիրը ապրանքի ԱՏԳԱԱ կոդից ելնելով կարող է լրացուցիչ պահանջել eMark նույնականացման (QR) կոդ: Իսկ եթե վաճառքը հաստատելուց ցանկում նկատվում են ապրանքներ, որոնց դեպքում պիտի սկանավորվեին eMark նույնականացման (QR) կոդերը, սակայն դրանք բացակայում են, ապա ծրագիրը զգուշացնում է այդ մասին վաճառողին: Ծրագիրը համեմատում է նաև eMark նույնականացման (QR) կոդերի քանակը վաճառվող ապրանքի քանակի հետ:

Taxservice.am համակարգով հաշիվների դուրսգրում

Էլեկտրոնային հաշվարկային փաստաթղթերի դուրսգրումը մեր ծրագրով կատարվում է ընդամենը մկնիկի մեկ կտտոցով: Ծրագիրն ինքնուրույն հասկանում է թե' վաճառողի հարկման ռեժիմը, թե' կոնկրետ վաճառքի ԱԱՀ-ով լինել-չլինելը, թե' ապրանքի կամ ծառայության հաշիվ լինել-չլինելը: Ծրագիրը կարող է կամ հաշվի XML-ը տեղադրել desktop-ին, կամ ուղարկել հաշվապահություն, կամ միանգամից բեռնել taxservice.am համակարգ: Իսկ դուրսգրված հաշվարկային փաստաթղթի սերիա-համարը ավտոմատ կերպով կհայտնվի ծրագրում վայրկյաններ անց:

Մեկից ավելի շտրիխ կոդ նույն ապրանքի համար

Նույն ապրանքի համար կարելի է կիրառել մեկից ավելի շտրիխ կոդեր: Ընդ որում, դրանք կարող են լինել ոչ միայն նույն ապրանքի տարբեր գույների, համերի կամ այլ հատկանիշների միավորման համար, այլ նաև տուփերի և հատերի միավորման համար: Այս դեպքում ծրագրում կարելի է սահմանել տուփի գծիկավոր կոդի համար քանակի գործակից, և վաճառքի ժամանակ այդ գծիկավոր կոդը սկանավորելիս քանակը ավտոմատ կբազմապատկվի այդ գործակցով:

Ապրանքի մոդելի, չափսի, գույնի և այլ հատկանիշների հաշվառում

Բացի ապրանքի կոդից, ծրագրում ապրանքի տեղեկատուն հագեցած է նաև այլ նմանատիպ դաշտերով, ինչպիսիք են` Այլ ծրագրում կոդ, ID կոդ, ինչպես նաև Ապրանքի մոդել: Մոդելը հնարավորություն է տալիս միավորել նույն ապրանքի տարբեր չափսերը, գույները կամ այլ հատկանիշները: Օրինակ կոշիկի վաճառքի ժամանակ վաճառողը հեշտությամբ տեսնում է, թե այդ կոշիկի որ չափսերն են առկա, ինչ մնացորդներով, որ գույներով: Ընդ որում, եթե հատկանիշից կախված վաճառքի գները տարբեր են, ապա դա նույնպես կիրառելի է:

Զեղչերի ճկուն ու հզոր համակարգ

Ծրագրում զեղչերի սահմանման ու կիրառման տարբեր մեթոդներ կան, ինչի շնորհիվ դրանք կբավարարեն ամենաքմահաճ պահանջները: Ահա դրանիցից մի քանիսը` զեղչ ապրանքների վրա նախապես սահմանված` կախված վաճառքի գումարի միջակայքերից (մինչև երեք միջակայք), կախված ամսաթվային միջակայքից, կախված օրվա ժամերի միջակայքից, զեղչ ապրանքների վրա հենց վաճառքի պահին` միավորի գնի իջեցմամբ, զեղչի տոկոս սահմանելով, ընդհանուր գումարից զեղչ սահմանելով:

Վաճառքի տարբեր գներ նույն ապրանքի համար` ըստ խանութների

Նույն ապրանքի համար հնարավոր է սահմանել տարբեր վաճառքի գներ ըստ խանութների: Այս հնարավորությունը հատկապես կարևոր է խանութների ցանցերի դեպքում, երբ տարածաշրջանից կախված տարբեր գներ պիտի սահմանվեն նույն ապրանքի համար: Ընդ որում, համապատասխան կարգավորման սահմանման դեպում կարելի է մի խանութի համար սահմանված գները կիրառել նաև այլ խանութներում:

Վաճառքի սահմանված գնից բարձր գնով վաճառքի հնարավորություն

Համապատասխան իրավասության սահմանման դեպքում ծրագիրն ունի վաճառքի սահմանված գնից բարձր գնով վաճառք թույլատրելու հնարավորություն: Ընդ որում այս դեպքում ևս կարելի է կիրառել զեղչ` բարձր գնի վրա:

Վաճառքի մեծածախ, մանրածախ, հավատարիմ և գնոդների գնացուցակներ

Ծրագիրը վաճառքի գները սահմանելիս կարողանում է զանազանել դրանց գնացուցակները: Կան ինտեգրված երեք գնացուցակներ` մեծածախ, մանրածախ և հավատարիմ: Բացի դրանից հնարավոր է յուրաքանչյուր գնորդի կամ գոնրդների խմբերի համար սահմանել համապատասխան գնացուցակներ` համաձայն նրանց հետ պայմանագրերի: Ընդ որում գների սահմանումը փաստաթղթավորվում է և հնարավոր է արտածել գների սահմանման հրաման:

Գնորդին վերջին վաճառքի գնով վաճառելու հնարավորություն

Ծրագիրը հնարավորություն է տալիս համապատասխան կարգավորմամբ գնորդների համար սահմանել վերջին վաճառքի գնով վաճառելու հնարավորություն: Օրինակ, եթե Գնորդ 1-ին նախորդ վաճառքի ընթացքում տրվել էր որևէ ապրանքի համար կոնկրետ զեղչ, ապա նրան ընթացիկ վաճառքի ժամանակ ծրագիրը կհիշի վերջին զեղչը և այն կկիրառի նաև ընթացիկ վաճառքում: Ընդ որոմ, դա տեղում հնարավոր է խմբագրել այլ զեղչի տոկոս սահմանելով կամ ընդհանրապես զեղչը հեռացնելով և հաջորդ վաճառքին ծրագիրն արդեն կհիշի դա:

Կուտակային (բոնուս) քարտեր

Կարող եք կիրառել ինչպես մագնիսական, այնպես էլ շտրիխ կոդով կուտակային (բոնուս) քարտեր: Հնարավոր է սահմանել ինչպես համատարած բոնուսի տոկոս, այնպես էլ ըստ ապրանքների, ինչպես նաև կիրառել այլ պայմաններ: Հնարավոր է վաճառքի ժամանակ վերադարձվողմանրը կամ դրա մի մասը ավելացնել կուտակային (բոնուս) քարտի վրա, ինչպես նաև կուտակված բոնուսն օգտագործել վաճառքի վճարման համար:

Մեկից ավելի դրամարկղերով վաճառքներ

Ծրագրում վաճառքները կատարվում են ըստ դրամարկղերի: Հետագայում հաշվետվություններում արտացոլվում են դրամարկղերը և հնրավոր է դրանք ֆիլտրել ըստ դրամարկղերի: Վաճառողը ծրագիր մուտք գործելիս կարիք չունի ընտրել դրամարկղը, քանի որ կարգավորումներում հնարավոր է կոնկրետ համակարգչի կցել կոնկրետ դրամարկղ, և վաճառողի կողմից ծրագիր մուտք գործելիս համակարգն ինքնուրույն ընտրում է դրամարկղը: Բացի դրանից, կարգավորումներում կարելի է սահմանել կոնկրետ օգտագործողի համար անկախ համակարգչից ինքնուրույն դրամարկղ ընտրելու իրավասություն:

Նոր ապրանքի մուտքագրման աջակցում

Ինտերնետ հասանելիության պարագայում ապրանքների տեղեկատուում նոր ապրանքի գծիկավոր կոդ (eMark նույնականացման QR կոդ) սկանավորելիս ծրագիրը միանում է ԶԵՐՈթի սերվերին և այնտեղ այդ ապրանքը գտնելու դեպքում առաջարկում է լրացնել ապրանքի անվանումը, չափման միավորը, ԱՏԳԱԱ կոդը: Եթե աշխատակիցը համաձայնություն է տալիս, ապա ավտոմատ կերպով լրացվում են վերոնշյալ դաշտերը, եթե ոչ` ապա աշխատակիցը դրանք լրացնում է ձեռքով:

Մեկից ավելի վաճառող ձեռնարկություններով վաճառք

Պատկերացրեք մի իրավիճակ, երբ նույն խանութում որևէ բաժին վարձակալության է տրված այլ ձեռնարկության և նրա հետ կնքված է նաև վաճառքների սպասարկման ծառայությունների մատուցման պայմանագիր: Այդ դեպքում դրամարկղում վաճառք կատարելիս ծրագիրը ավտոմատ կերպով խմբավորում է վաճառվող ապրանքները ըստ վաճառող ձեռնարկությունների ու ՀԴՄ կտրոնը կամ էլեկտրոնային հաշվարկային փաստաթուղթը գեներացնում է առանձնացված: Ընդ որում, անկանխիկ վաճառքի դեպքում ևս ծրագիրը ավտոմատ կերպով գումարը բաշխում է ըստ ձեռնարկությունների:

Վաճառողների հերթափոխերի հաշվառում

Վաճառքի հերթափոխերը բացվում են ավտոմատ կերպով, իսկ դրանց փակումը կատարվում է ընդամենը մկնիկի մեկ կտտոցով: Ծրագրի հաշվետվություններում կարելի է տեսնել հերթափոխերի կանխիկ, անկանխիկ, պարտքով վաճառքի գումարները, գանձարան հանձնած գումարները և դրամարկղերի մնացորդները: Կարելի է տեսնել նաև յուրաքանչյուր հերթափոխի փաստացի տևողությունը և այլ տվյալներ:

Վաճառքների հաշվառում ըստ վաճառքի օղակների և վաճառողների

Վաճառքի օղակներով խմբավորումը թույլ է տալիս, օրինակ ռեստորաններում և սրճարաններում վաճառքները հաշվառել ըստ սեղանների, հյուրատներում հաշվառել ըստ սենյակների կամ հյուրատան համարների և այլն: Բացի դա, այս հաշվառման պարագայում հնարավոր է ընթացիկ օղակի վաճառի պատուհանը փակել առանց վաճառքն ավարտելու, տպել միջանկյալ չեկեր, տեսնել օղակի կարգավիճակը (զբաղված, ազատ), փոխել օղակի վաճառողին (մատուցողին): Վաճառողին (մատուցողին) վաճառքի կցումը կամ փոխարինումը կարող է կատարվել ինչպես անհատական մագնիսական քարտերով, այնպես էլ ձեռքով` կոդ հավաքելով:

Արտադրանքի (կոմպլեկտի) բաղադրամասերի ելքագրում

Անվանացանկի տեղեկատուում կարելի է սահմանել յուրաքանչյուր արտադրանքի (ապրանքի) բաղադրամասեր: Ընդ որում բաղադրամասերը սահմանվում են ժամանակագրական կտրվածքով, այսինքն դրա փոփոխության դեպքում նոր ամսաթվով բաղադրատոմս է ձևավորվում` իր բաղադրամասերով: Սրա շնորհիվ ծրագիրը հնարավորություն ունի կատարել վերահաշվարկներ մեծ ժամանակահատվածների համար` չաղավաղելով հաշվարկներն ու նյութերի մնացորդները: Բացի այդ, ծրագրից կարելի է տպել յուրաքանչյուր բաղադրատոմս` փաստաթղթավորելու և նյութական պատասխանատվության համար օրինական հիմքեր ստեղծելու համար:

Որոշակի ապրանքների վաճառքը գաղտնաբառով կատարելու հնարավորություն

Երբեմն հանդիպում են բիզնեսներ, որոնցում այս կամ այն ապրանքի վաճառքը խիսկ կարևոր է և ենթակա է ուժեղացված հսկման: Այդ դեպքերի համար մենք ունենք հնարավորություն սահմանել գաղտնաբառ այդ ապրանքների վաճառքի համար: Առանց այդ գաղտնաբառը հավաքելու վաճառողը չի կարող այդ ապրանքը վաճառել: Այդպիսի ապրանքներ կարող են լինել խիստ թանկարժեք ժամացույցները, թանկարժեք քարեր և այլն:

Սակագնային պլաններ

Ընտրեք այն սակագինը, որը լավագույնս համապատասխանում է ձեր բիզնեսի կարիքներին

Առևտուր

խանութ, սուպերմարկետ, մեծածախ բազա և այլն

Սկսած 5,000դր/ամիս (1 տեղ)

~~250,000դր~~

սկսած 0դր միանվագ

Ներդրման ծառայության վճարի զեղչ

Սպասարկում

ռեստորան, սրճարան, պիկարնիա, բիստրո, կոֆեհաուս և այլն

Սկսած 5,000դր/ամիս (1 տեղ)

~~250,000դր~~

սկսած 0դր միանվագ

Ներդրման ծառայության վճարի զեղչ

Այլ մասնագիտացված

արտադրամասեր, բենզալցակայան, այլ ծրագրերի հետ համակցված և այլն

Սկսած 10,000դր/ամիս (1 տեղ)

~~250,000դր~~

սկսած 200,000դր միանվագ

Ներդրման ծառայության վճարի զեղչ

Տեսանյութեր

Դաս 1. Ինչպես տեղադրել ծրագիրը

Դաս 2. Ինպես կատարել թարմացում

Դաս 3. Գումարի համալրում և ելքագրում

Դաս 4. Ինչպես կատարել Հաշվառում

Դաս 5. Վաճառքների մասին

Թարմացումներ

Դիտել բոլորը

Մեկից ավելի ձեռնարկություններով վաճառք և վերադարձ

Այժմ արդեն կարելի է նույն վաճառքի փաստաթղթում կատարել վաճառք` տարբեր ապրանքների համար տարբեր ձեռնարկություններով: Վաճառքը գրանցվում է որպես մեկ միասնական փաստաթուղթ, սակայն ՀԴՄ կտրոնները (հաշվարկային փաստաթղթերը) գեներացվում են ըստ վաճառող ձեռնարկությունների: Նույն հնարավորությունը կա նաև վաճառքից վերադարձ փաստաթղթում:

21 ապրիլի 2026

eMark նույնականացման (QR) կոդերով վաճառք

Ծրագրում վաճառքները կարելի է կատարել անմիջապես eMark նույնականացման (QR) կոդերով սկանավորելով: Իհարկե, պահպանվել է նաև նախկին տարբերակը, որի դեպքում վաճառքի ապրանքը ձեռքով կամ սկաներով ընտրելուց հետո բացվող պատուհանում առանձին սկանավորվում էր eMark նույնականացման (QR) կոդը:

1 մարտի 2026